المساعد الشخصي الرقمي

مشاهدة النسخة كاملة : مــش لاقــي عــنــوان !!!


Yara
22-11-2010, 02:57 PM
كنت فى سايبر كافيه تالت يوم العيد ......... كنت واقف انا و اصحابى هناك

وسمعنا دوشة خارجة من السايبر ده وشوية وخرج شوية أطفال لا يتعدى عمرهم 13 او 14 سنة ونازلين خناق وضرب فى بعض بسبب ماتش كورة فى لعبة على الكمبيوتر والعيال نازلين ضرب وزعيق مع بعض

المنظر بدأ كوميدى .. شوية أطفال بيضربوا بعض .. شكلهم يضحك زعقنا فيهم وإهدوا يا شباب كله يروح على بيته والكلام ده

ماحدش سمع لنا والمعركة سخنت

و واحد منهم مصمم يضرب ولد تانى ولد تالت حاول يهديه ويحجز ويفض النزاع وكلنا فوجئنا بالآتى الولد اللى كان عايز يضرب الولد التانى طلع من جيبه مطوه ولسة الولد اللى بيحجز هايفكر يمسكه .. قام الولد ضاربه 3 طعنات فى رجله وطعنة فى بطنه ...

المنظر اللى بدأ كوميدى قلب بفزع وشلل جالنا كلنا .. كلنا تنحنا لبعض وماصدقناش ده حاجة خيالية اللى بنشوفها ده

الواد اللى اتضرب وقف يعيط بهيستريا والدم خارج من جسمه الناس إتلمت جرى شالوه ونقلوه على المستشفى .. والطفل المجرم هرب طبعا ...

أنا و أصحابى جالنا ذهول وشلل عقلى اللى حصل ده وهم أكيد .. دول عيال

شوية والمباحث وصلت وقفلت السايبر وفى خلال 40 دقيقة تقريبا كان الطفل المجرم إتقبض عليه ...

لكن للأسف ناس رجعوا من اللى كانوا مع الولد المصاب وقالوا كل شىء بأمر الله ... ربنا إفتكره "

الولد مات ... الولد اللى نزل من بيته تالت يوم العيد عشان يلعب مع اصحابه لعبة كومبيوتر فى سايبر .. إتقتل

الولد اللى مات عمره 14 سنة .. واللى قتله 13 سنة

:confused::confused::confused: