المساعد الشخصي الرقمي

مشاهدة النسخة كاملة : عتاب نفسى


Eng_Badr
20-11-2010, 09:41 PM
دي كانت واقفة قدامي بتشكي همها الباكي
بتصرخ فيا انقذني بتصرخ فيا خبيني
د عايزين ينهشوا لحمي
انا ف عرضك لتحميني
أو اقتلني وريحني

او أدفني وتاويني
بلاش ف النار دى ترميني
بلاش في النار دي ترميني

دي كانت واقفة قدامي بتشكي همها الباكي
بتصرخ فيا انقذني بتصرخ فيا خبيني
وانا واقف مبنطقشي
وقطر الموت د جاي يجري مبطئشي
وانا قلبي الضعيف خايف ميجرؤشي
على العصيان
انا اللي الدنيا ربتني
اعيش عمري ذليل وجبان
بني ادم انا اسما
لكن اصلي دا مش انسان
وهي فضلت تناديني
بلاش ف النار دي ترميني
بلاش ف النار دي ترميني
.....................
دي كانت واقفة قدامي بتشكي همها الباكي
بتصرخ فيا انقذني بتصرخ فيا خبيني
بتصرخ فيا استرني وصون عرضي
ونا قلبي د خايف موت
لاقتني بقول بعلو الصوت
خلاص أرضي
ورديت بابي قدامها
حكمت بحكم اعدامها
وانا سامع خطاويها واقدامها
وهي بتجري خايفه مرعوبة من الأقدار
وانا قاعد هنا ف الدار
على سريري وبدثر
وبتفرج على افلام رومانسية وبتأثر
قوي لما بشوف انا لقطة ملتهبة
وأوقات دمعي يغلبني
لو ألقى البطلة مكتأبة
وهي عدت سنين عمري
وانا لسة على حالي
ولا حاجة بتشغلني
لا ليا عزيز ولا غالي
ولو مرة يجيلي الريح
اسد الباب وأريح بالي
وانا عايم في بحر التوهة فجأة لاقيت
غزال شارد بيسألني معاك كبريت
ولو فاضي تعالي نروح لحد البيت
وألقاها تشاورلي انا وغيري
وم الخمرة كانت بتقول
انا اللى كنت يوم راهبة هنا ف ديري
وانا اللى دنيا ربتني اعيش عمري على الحرمان
وانا اللى الدنيا ودتني على واحد ضعيف وجبان
وأبوس أيده لينقذني وانا واقف على بابه
ولا همه دموعي تسيل وانا بابكي على أعتابه
وأتاريها
دي هيا البنت اللي من سنين كانت
ورديت بابي قدامها عشان النخوة يوم هانت
وأتاريها دي كانت واقفة قدامي بتشكي همها الباكي
بتصرخ فيا انقذني بتصرخ فيا خبيني
د عايزين ينهشوا لحمي
انا ف عرضك لتحميني
أو اقتلني وريحني
او أدفني وتاويني
بلاش ف النار دى ترميني
بلاش في النار دي ترميني