المساعد الشخصي الرقمي

مشاهدة النسخة كاملة : 600 واقعة تحرش اول ايام العيد


Yara
19-11-2010, 06:02 PM
الشرطة تسجل 600 واقعة تحرش ومعاكسة فى القاهرة والإسكندرية أول أيام العيد
[فقط الأعضاء المسجلين والمفعلين يمكنهم رؤية الوصلات]
سجّلت أقسام شرطة مديريات أمن القاهرة والجيزة وحلوان والإسكندرية 600 واقعة تحرش ومعاكسة فى أول أيام العيد، وأفادت التحريات بأن محافظة القاهرة استحوذت على العدد الأكبر من الحالات بواقع 276 حالة، اقتصرت على المعاكسات، فيما سجلت حلوان 37 حالة تحرش، ووصل عدد المحاضر فى الجيزة إلى 110، وتلقت أقسام شرطة الإسكندرية 165 محضرا.

قال مصدر أمنى إنه جرى احتجاز أكثر من 300 شاب فى القاهرة، لاتهامهم بارتكاب وقائع معاكسة للفتيات خلال الاحتفال بالعيد، وحررت أقسام الشرطة محاضر ضد بعضهم، وأطلقت سراح الآخرين فى ساعات متأخرة من اليوم.

وأضاف أن الوجود الأمنى المكثف فى الشوارع، والخطط التى وضعتها مديرية الأمن لتأمين الحدائق والمولات والشوارع الرئيسية، قلصا من وقائع التحرش، وأن 6 محاضر كان من المفترض تحريرها بأقسام السيدة زينب ومدينة نصر ومصر القديمة، تصالح المبلغون بشأنها، وضبطت أجهزة أمن القاهرة 55 واقعة تسول، و8 مسجلين خطر و12 حالة سكر.

وتركزت معظم حالات التحرش فى الجيزة وحلوان، على كورنيش النيل، وأمام دور السينما والمولات فى الشوارع الرئيسية بمنطقة وسط البلد. وأقامت قوات الأمن كردونات حول أبواب السينمات فى شارعى طلعت حرب و26 يوليو، وأغلقت معظم المحال التجارية أبوابها.

وفى الإسكندرية، تركزت معظم الوقائع فى شارع الكورنيش، واضطرت أجهزة الأمن إلى نشر أفراد أمن بملابس مدنية، للحد من حالات التحرش.

المصدر المصري اليوم


انا بقالي كتير مش بكتب توبيكات بس الخبر ده استفزني بجد
هو احنا فعلا وصلنا لكده هو ده العيد
كل ده يحصل في يوم واحد كمان ده الي اتمسك واتكشف
اكيد فيه مليون حاله متعرفش عنها حاجه كل ده في يوم واحد
خلاص وصلنا للدرجه دي طب مين السبب طيب
البنت هتقول الشباب هوما الغلطانين وهوما الي بيعملوا وهوما وهوما
والشباب هيقولوا السبب في البنت ولبسها خارج ومش محترمه في لبسها
طب الحل ايه طيب اما هوما يقولوا الشباب السبب والشباب يقولوا البنات السبب
والاهل فين من كل ده هو الغلط عل مين بالظبط علي الاهل الي مربوش ولادهم صح
الي سابو بناتهم يلبسوا اللبس ده طب مهو بيحصل كده مع بنات لبسها محترم بردو
يبقي العيب في مين بالظبط انا لو قعدت اتكلم مش هخلص
طب الوقتي مع الي بيحصل ده الواحد هيامن علي اخته انها تخرج في يوم زي ده لوحدها
اكيد لا مش هيسيبها تخرج حتي لو لبسها كويس طيب ما بالك بقي الي سايب اخته ولا بنته
تخرج وسايب الدنيا عادي ولا بيبوص للبسها ولا اصحابها ولا اي حاجه ده اسمه ايه ده
طب ده راجل ازاي طيب بجد مش عارف ايه ده
ربنا يهدينا يا رب