المساعد الشخصي الرقمي

مشاهدة النسخة كاملة : (( حكاية انسان ))


Yara
14-11-2010, 09:21 PM
((حكاية انسان))

[فقط الأعضاء المسجلين والمفعلين يمكنهم رؤية الوصلات]

انسان عايش علطول لوحدو لا بيهتم بحد ولا لاقى حد يهتم بـيـة
ولا مهتم يخاف على حد ولا حد مهتم بيخاف علــيــة
يوم عالحلو ويوم عالمر بس المهم اصحابو حوالــيــة
سعات بيكون فاهم الناس بس مش لاقى الى يفهمو من عنــيــة
بأقل كلمة تفرحو وأقل كلمة تبكــيــة
الدنيا ماشيا معاه بدهرها ومابيقولش دا بيحصل لــيــة
راضى بنصيبو وعمرو ما سأل ربنا .. دا كلو بيحصلى لــيــة ؟؟
بيحب الناس وبيحب يدور ازاى يسعد كل الى حوالــيــة
فرحان زعلان مخنوق قرفان عايش وبيعمل الى علــيــة
لا متكبر ولا متعالى ولا وراضى بالى هوة فــيــة
انسان فحالو احلامو على قدو وبيقولو حنية الدنيا فــيــة
طبيعى اول مايجيلو الحب هيمسك فيه بأيدو ورجلــيــة
طبيعى يضعف قدام انسان مديلو الحب وشايلو فى عنــيــة
طبيعى يروح لقلب مديلو حنية وبيخاف علــيــة
طبيعى يروح للأنسان الى فاهمو وحاسس الى فــيــة
طبيعى قلبو يدق ومشاعرو تحن ولسانو يقول كل الى جواه ومخبــيــة
يافرحتو ويافرحت قلبو بلأنسان الى هيملى الدنيا علــيــة
متمسك بيه وبيديلو كل مشاعرو عشان خايف يروح من اديــــة
بيصلح عيوبو وعلطول يلومو عشان يحافظ على حب العمر لــيــة
فى فرحو ملاغية وفى حزنو مواسية وفى مرضو وخدو فى حضنو وخايف علــيــة
فاتت ايام وليالى وشهور وكل يوم يتعلق بيه اكتر من الى قبلــيــة
وصل بأحساسو انو فى وسط بحر ومافيش غير حبيبو هوة الى الى ماسكو وبينجــيــة
ومرة واحدة راح حبيبو ولقى نفسو فى وسط البحر ومحدش دارى بــيــة
فضل وينادى وينادى على حبيبو الى اختفى من قدام عنــيــة
فضل يصرخ ويبكى ودموعو ماليه عنــيــة
فضل موجوع وقلبو محروق على حبيبو الى كان حتة منو وروحو فــيــة
بقى لوحدو ولا لاقى حد قريب منو ولا حد يخاف عليه ولا حتى يواســيــة
احساسو بروحو خرجت منو وبقت الدنيا سودا فى عنــيــة
عاش احزن اييام حياتو وبقىى مش عارف يعمل ايــــة
خايف يرجع تانى لوحدو بس دا قدرو وهيعمل ايـــــة
رجع وحيد حزين لوحدو وراح الى كان املو فيـــــة
رجع للصفر من جديد وروحو وقلبو وعقلو مش فــيــة
رجع وحيد وراضى بنصيبو وقال قدر ربنا مايجمعنيش بــيــة ؟؟
بكرة تحب وترجع تانى دا محدش بيختار نصيبو بأديــــة .....

انا الى كاتبها وتعبت فيها ياريت تقولولى رأيكو ايـــــــــة