المساعد الشخصي الرقمي

مشاهدة النسخة كاملة : لمتابعي قضية نادي الزمالك ضد مرتضى منصور


Eng_Badr
09-11-2010, 05:58 PM
[فقط الأعضاء المسجلين والمفعلين يمكنهم رؤية الوصلات]

اولا انا اهلاوي بس بما انى محامي فطبعا متابع قضية نادى الزمالك ضد مرتضى منصور .

كلنا عارفين ان مرتضى خد حكم فى القضاء الاداري ببطلان انتخابات نادي الزمالك وحل المجلس .
وتم تعيين مجلس مؤقت برئاسة المستشار جلال ابراهيم .

بعد كدة طعن نادى الزمالك والمجلس القومي للرياضة على الحكم امام الادارية العليا وتحدد لنظر الطعن جلسة 5/10/2010 وانتهت الى قبول الطعن شكلا واحالته الى هيئة المفوضين لتقديم الرأى القانوني.

ودى خطوة بتقول ان القضية فى طريقها الى ممدوح عباس ومجلسه من تانى وده اللى خللى مرتضى منصور يطلب ممدوح عباس لجلسة ودية يزيلوا فيها الخلافات عشان مصلحة النادي وده طبعا عشان ميبقاش شكله وحش لما يخسر القضية .
عاوز اقوللكم يا جماعة ان حكم محكمة القضاء الاداري حكم فاشل جدا ولو حبيتم اجيبهولكم ابقى اكتبلكم حتى اسبابه . بصراحة انا لما قريت الحكم اتأكدت انه حكم مجاملة لمنصور .

عاوز كمان اقوللكم ان محامي نادى الزمالك ( ماهر عبد الرحيم ) اقام دعوى تعويض على الدكتور محمد عامر رئيس اللجنة المؤقتة بمبلغ عشرة مليون جنيه لأنه لم يوقع على محضر اجتماع الجمعية العمومية فى الانتخابات الاخيرة .

وعلى فكرة المحامي ده اثار جدل واسع داخل مجلس الدولة لما وصف الحكم بانه فاسد مما اثار حفيظة مرتضى .

ودي مقاطع على اليوتيوب للمحامي بعد الجلسة
[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

عموما يا جماعة انا هنقلكم الاخبار اول بأول ولو تحبوا تستفسروا عن أى حاجة فى القضية انا ممكن افيدكم .

تحياتي