المساعد الشخصي الرقمي

مشاهدة النسخة كاملة : كلاكيت تانى مرة ... ماهر عبد الرحيم ( محامى الزمالك ) vs مرتضى منصور


Eng_Badr
09-11-2010, 05:58 PM
بسم الله الرحمن الرحيم

طبعا كلنا سواء اهلاوية او زملكاوية منتظرين الجديد فى موضوع مرتضى منصور ونادي الزمالك واللى كان الجزء الاول منه يوم 5/10/2010 واللى انتهى الامر فيه بقبول طعن ممدوح عباس على حكم مرتضى منصور وتم احالة القضية لهيئة المفوضين بمجلس الدولة ( والهيئة دي يا جماعة اختصاصها دراسة القضية وكتابة رأى قانونى فيها يكون مسبب يتم تقديمه للمحكمة ) وانتهت الهيئة فى تقريرها الى انها ترى الغاء الحكم المطعون فيه والقاضى بالغاء انتخابات نادي الزمالك وما يترتب عليها من اثار .

يعنى ببساطة شديدة تقرير هيئة المفوضين جاء لصالح ممدوح عباس ومجلس الادارة المنحل .
وتحدد يوم الاتنين 1/11/2010 لنظر القضية ودي هتكون المواجهة التانية بين مرتضى منصور وماهر عبد الرحيم ( محامى الزمالك ) وعلى الرغم من ان الجلسة اللى جاية تعتبر جلسة اجرائية بتنعقد عشان يتم احالة القضية لدائرة موضوع تنظرها الا انى اتوقع ان هيبقى فيه شد وجذب بي مرتضى وماهر خصوصا ان المرة دى مرتضى وقع مع محامى اعرف انه مش هيسكت ورد فعله هيكون غير متوقع وده اللى ظهر من مرافعته الاولى اللى قال فيها ان الحكم فاسد واللى اثار حفيظة مرتضى وقضى نص مرافعته يتكلم عن كلام محامى الزمالك .

وعلى فكرة مرتضى قال ان تقرير هيئة المفوضين ده هو التقرير رقم 27 اللى ييجي ضده وياخد فيه الحكم لصالحه ...
عموما هنشوف المرة دي ايه اللى هيحصل .
عموما الجلسة القادمة اكيد هتشهد احداث جديدة واكيد هقوللكم ايه اللى حصل فيها لانى هكون موجود هناك .

الى لقاء جديد ان شاء الله .....