المساعد الشخصي الرقمي

مشاهدة النسخة كاملة : خريج كلية التجارة


Eng_Badr
07-11-2010, 11:40 PM
بسم الله

إذا كنت خريج كلية تجارة فأنت إنسان محظوظ ومية مية

فكلية تجارة من أفضل الكليات طبعا محدش عندة اعتراض إذا قلت أنها أفضل من كليات الطب والهندسة

وهقولك لية ؟؟ اصبر بس عليا

1- كلية التجارة في أوربا والدول المتقدمة الطلب عليها هائل جداااااااا والمحاسب هناك عملة نادر جدااا ولة وزن وقيمة .


2- العالم كلة يتحدث بالأقتصاد والمال والتجارة والبورصات العالمية ويقاس تقدم الدول وقوتها ليس بقوة الأطباء ولا المهندسين

ولكن تقاس بقوة إقتصاد الدولة الذي يدعمة الكفاءات من كلية التجارة والسياسة والأقتصاد ونجاح أى دولة إقتصاديا أتي من نجاح

التجاريين الذين يعملون علي نهضة الصناعة والأقتصاد في مجالات المحاسبة والأحصاء والأقتصاد والأدارة .


3- لو دورت في أى مؤسسة لازم تلاقي فيها محاسب سواء كانت مستشفي أو متجر أو حتي شركة صغيرة أو كبيرة أو مصنع ولا يخلو

مصنع من أقسام متعددة للحسابات المالية والمراجعة وحسابات الضرائب ومحاسبة التكاليف والمحاسبة الأدارية .. ألخ

ولو في شركة صغيرة أو حتي سوبر ماركت لازم هتتعامل مع محاسب الضرائب .


4- قال رسول الله صلي الله علية وسلم في التجارة تسعة أعشار الرزق .. صدق رسول الله صلي الله علية وسلم

يعني إحنا كمحاسبين ندير عمليات التجارة بنشتغل في تسعة أعشار الرزق وسايبيين بقي المهندسين والدكاترة والسواقين والسباكين

والصيادلة والزبالين وكل المهن الأخري في العشر لوحدهم .


5- كلية التجارة بالرغم من إن البعض بيتريق عليها وبيقول دي كلية الشعب علشان الأعداد الهائلة اللي فيها وانا هرد عليهم وأقولهم

الكلية بتاخد من 86 % وفيها كل العدد دا ؟؟ تخيلو لو حبينا نخلي العدد اللي فيها مساوي لعدد الطلاب في كلية الطب ؟؟ أعتقد ممكن

تتعدي مجموع الطب ولكن العدد الكبير دا لية هدف لأني زي ما قلت المحاسبين مطلوبين في كل مكان وزمان .

6- الدكتور بيطلع يشتغل مع مرضي ودم وأورام وسوري حاجات مقززة )ربنا يعافينا جميعاً) ..

والمهندس رمل وظلط وعمال وشمسة وقرف ..

الصيديلي عامل زي البقال قاعد طول اليوم في الصيدلية .. إنما تعالو شوفو المحاسب بقي .. ملك زمانة

قاعد ببدلتة النظيفة في التكييف علي مكتبة النضيف قدام اللاب توب بتاعة وألتة الحاسبة وبيتعامل مع الورقة والقلم بمنتهي الشياكة

يبعت فاكس يستلم فاكس يبعت إيميل يستلم أيميل بيدور الشركة كلها من علي مكتبة ..

أعتقد بعد دا كلو أى حد لازم يفتخر أنة خريج كلية تجارة بس المهم أنة يكون طلع منها محاسب فعلاً

وبعتذر للناس اللي مدخلتش كلية تجارة وراحة جري ورا الطب والهندسة .. انا عارف إني خليتهم يندموا دلوقتي

********************************************