المساعد الشخصي الرقمي

مشاهدة النسخة كاملة : قال ضل راجل ولا ضل حيطه


Eng_Badr
06-11-2010, 03:49 PM
جلست بعض السيدات أكيد فى جمعيه المرأه المتوحشه يتثامرون الحديث فتحدثت سيده مش رورو طبعا:Dوبدأت تخطب وسط السيدات وقالت قال ضل راجل ولا ضل حيطه يختى بلا نيله

1-عمرك سمعتى عن حيطه بتشخر طول الليل ومتخلكيش تعرفى تنامى

2-ولا حيطه تدخل من باب البيت تجعر علشان عايزه الغدا وبعدين تطين عشتك لو الملح طلع زياده فى الباميه

3-طيب شفتى حيطه تملا سقف الشقه دخان والارض سبارس

4-ولا حيطه تدوخك وراها فى نص الليل عشان تشوفيها بتكلم مين فى التليفون

5-طيب الحيطه معروف مكانها طول الليل لاكن المحروس مدوخك وراه عشان تعرفى سهران فى انهى داهيه000قال ايه عنده شغل
ياسم؟!

6-ولا فى حيطه تغلطك فى كل كلمه تقوليها عشان تثبت للعيال ان الحيطه بتفهم عنك!!!

7-ولا حيطه تقعد تقولك متلبسيش الفستان ده لاقطعك ولما تقوليله هات فلوس اشترى غيره تعمل ودن من طين وودن من عجين طيب ده حتى الحيطه ليها ودان

قال ضل راجل ولا ضل حيطه قال:p:p:p