المساعد الشخصي الرقمي

مشاهدة النسخة كاملة : سالتنى بعد ما هجرتنى


Eng_Badr
06-11-2010, 01:02 PM
سالتنى بعد ما هجرتنى


يا حبيبى لسه زعلان ؟ .


قلتلها وقلبى بيتقطع من جوه


طبعاً زعلان .


على كل دقيقه من عمرى


قضيتها معاكى وندمان .


علشان مقدرتش من الاول


اعرف انك مش حبانى .


علشان .


وللاول مره فى حياتى


بعرف ايه معنى الخسران .


اسمك اللى كنت بحبه


بقى نطقه بيوجع قلبى


اصل الجرح ما كنش شويه


ولا يقدر على قفله زمان .


كنت بعيش مخدوع فى هوالكى


متخيل جواكى مكان .


للحب اللى بيحيى الناس


من غيره يموت الاحساس


بس صحيت ولقيت نفسى


على بر الواقع غرقان .


ضاعت كل الاحلام


وظهر الزيف والاوهام .


اللى كنت عايش فيها


وفدنيا الحب البهتان .


مخدوع عشت الماضى فى حرمان .


علشان.


قلبى المخلص ليكى


كان فاكر انه هيتصان


هيحقق احلامه معاكى


وهينسى انه زمان اتهان .


من الدنيا وحابيبها


و عمره ما شاف بر امان


كان ليل ونهار يقضيه عالجمر


وهجر الخلان .


مش هقدر اكره يا حبيبتى علشان حبيتك .


بس بلوم نفسى وبتحسر


على يوم معشقتك وهويتك.


مش هرمى بغلطى على كتفك .


ما انا الغلطان.


بس متستنيش بعد ده كله ابقى فرحان .


والرد على سؤالك ماسخ........ وقديم........ومر ......وحمضان. علشان.


لازم تعرفى انى .


من هجرك هفضل زعلان .