المساعد الشخصي الرقمي

مشاهدة النسخة كاملة : البنت عايزة أيه زجل لـ عصام قمر


Eng_Badr
06-11-2010, 01:02 PM
البنت عايزه ايه


**البنت عايزه ايه**

**عايزه كل حاجة**

**حبيبها روش وبيه**

**وعنده كل حاجة**

**يخلص في هواه ويوفي**

**وعنده مال يكفي**

**وحياتها معاه تكون ايه**

**تشبه كدة الترفيه**

**رقيق كده زي الورد**

**ويحميها ولا بودي جارد**

**وياسلام لو واد وسيم**

**حياتها تبقي نعيم**

**اقله ساعة العوزة**

**تفرس بيه الحريم**

**ولو طيب شوية**

**تقول ما عندوش شخصية**

**ولو دايما معاندها**

**تروح تشتكي لوالدها**

**ولما يسمع كلمة أمه**

**تقول دلدول ابن امه**

**يعني لما تبقي زوجة**

**مش عايزاه بغيرها يحس**

**ولما ف يوم تبقي أم**

**عايزه ابنها ليها وبس**

**يعني انتي بقي ياجميل**

**عايزاه راجل تفصيل**

**الله يكون في عونه**

**م تاخدوه وهو نونو**

**ربوه انتوا علي إيديكو**

**وشوفوا ايه يرضيكو**

**ولا أقولكوا انا عندي فكرة**

**ما تصبروا لحد بكرة**

**يمكن يخترعوا حاجة**

**عنوانها "لو محتاجة "**

**عندنا راجل تفصيل**

**قرب جرب ياجميل**

**بيغني لو عايزاه**

**وبيلطم ويقول آه**

**وبيعمل شغل البيت**

**ويربيلك الكتاكيت**

**ومقولكيش ده رومانسي**

**يعني معاه راح تنسي**

**قربوا عندنا يابنات**

**مين فيكوو هتقول هات**

**ده فيه مزايا كتير**

**وممكن يوصل لوزير**

**الموضوع كله اهو عاندك**

**وعمره ف يوم ما يعاندك**

**ولو موتي بعد الشر عنك **

**ما يعشي يوم واحد بعدك**

** لأنك تقدري ياعنية**

**تتحكمي في مدة الصلاحية**

**وتضمني مفيش واحدة غيرك**

**تاخد حاجة كانت في ايدك**

***********************

خواطر زجلية لـ : عصام قمر