المساعد الشخصي الرقمي

مشاهدة النسخة كاملة : الصقر والبلبل ..


روزا
05-11-2010, 08:35 PM
الصقر والبلبل ..
للشاعر العراقي /جابر الكاظمي

ترف ريض مشيتك عيب تختال - الأرض بيها كهول ونسوة وأطفال
تراب الأرض وادم چان مثلك - حدى حادي المناية بيهم وشال
عافوها إلك هالگاع وإنت - عليها بكيفك إمرح يا بو الخلخال
تناشد عن سكِّتي وإسكتت ليش - شحچي وياك ما ظل حچي إلينگال
وأنا زغير سمعت أهل التجاريب - يگولون الطبع عالطبع ميال
شجمع بين النوارس والسراحين - عجيبة شگعدك ويه هالأشكال
فرد عاذل أحذرك منه وإنت - على عنادي تعاشر عشر عذال
تحذر من عصف وكتك يا گطان - على ساعة وتحيطك رزمة الفال
شما تكبر تظل بعيوني حرشة - يلاعبها الجرف والوكت نتال
وسمت الحذر وسمه على ذاتك - تذكر يوم إلك وديت موال

يا نبعة الروح يا طيب يا صاحب گَدُر
يا من تعادل ألف يل عندي ليلك گدر
يا هو إلوصل رتبتك بالفخر يا هو كدر
يرگى على هام العلا وعلى العواذل تراه
ردتك للمتيم بعين المودة تره
كثرة الأصحاب لا تغرك حبيبي ترى
كل ألف عصفور من عندهم ما يترس گدر

مثل الصگر والبلبل أنا وياك - ترف وإسمع شگالوا أهل الأمثال
البلبل يرتضع من حلمة التين - الصگر يشربها جير ولفح الرمال
البلبل گضى وكته بالترانيم - غنى بطرگ الحچي إلخالي من الأفعال
الصگر ساكت وراكب صهوة الجو - يترفع عن كلام إلگلت وإلگال
البلبل للقفص تالي مصيره - رغم صوته وجماله وزهوة الحال
الصگر سوه الذي يريده بسكوته - لأجل هذا على ايد الملك ينشال


الرابط
[فقط الأعضاء المسجلين والمفعلين يمكنهم رؤية الوصلات]

Eng_Badr
10-11-2010, 10:49 AM
تسلم ايدك شكررا جزيلا