المساعد الشخصي الرقمي

مشاهدة النسخة كاملة : شفت الأسد...؟؟!!


Eng_Badr
03-01-2011, 07:21 PM
اهداء:
الى جميع زوار حديقة الحيوان ..,وقاطنيها ...
الى جميع جمعيات الرفق بالحيوان ...
و اليه ....
(ملك الغابه) .....
اهدي............................
شفت الأسد


شفت الأسد ؟؟؟!
جوه القفص ..
منظر سخيف ..
نظرة عنيه
..مليانه ذل ..
نظرة ضعيف ..


شفت الأسد ؟؟!
جوه القفص ..
و بيضربوه ..و سألت ليه ..؟
قالولي دول(بيدربوه)!!
ازاي يبيع ..ازاي يطيع..
ازاي يعذب في القطيع ..
إزاي يكون ..بعد الملك ..حيوان وضيع !!
.................
قالوا زمان ...
أصل الأسود كانت قطط ..
طب ليه أنا سامعاه بينبح..ألف هَـــو ..
مش يبقى أكرم ..لو يقول ..حتى مياو !!
مغلوب عليه ..بص في عنيه ..
تلقى الدموع ..نزلت نقط
.......................

شفت الأسد ..
جوه القفص ..
منظر سخيف ..
نظرة عنيه ..مليانه ذل ..
نظرة ضعيف ...
يرموله لحمه صغيره ..
يجري أوام ..مع انه عارف انها
,,(مستورده) ومبرده..
ماتشبعوش ,,
أفرح عشان بسمع زئيره ..
أتاريه بيشكر ..في الوحوش ...!
معرفش ليه ؟؟!!يمكن ده خوف ..!!
يمكن ظروف ..!!
بس الأكيد...مش ده الأسد..
جايز خروف ...!


شفت الأسد ....!!
ماتقولش لأ ...
روح بص شوف
........................