المساعد الشخصي الرقمي

مشاهدة النسخة كاملة : شـــرف العــروبـــة !!!


Yara
10-12-2010, 11:15 AM
صمت ...

سكووون ...

قاعدين متفرجين

زى الولايا المجروحين

نولول ع الشهيد

ونهلل ع القتيل

ولمّا الدم يحمى فـ العروق

ولمّا قولنا خلاص هنفوق

أخرتها بنعمل ايه ؟؟

نشجب مره ... ومره ندين

زى الولايا المجروحين

**********

احساس الضعف يقتل

احساس مليان مرار

عايشينه طول حياتنا

حاسينه باستمرار

بيطاطوا راسنا ليه ...

بيخنقونا ... بيقتلونا ...

بسيف الصمت ليه

بنموت فـ اليوم سنين

قاعدين متفرجبن

**********

يا ارض اتزلزلي وابكى على ...

شرف العروبه

لو هيمسك كل واحد منا طوبه

قادرين نرجع كل شبر فـ أرضنا

قادرين نطفى نار بتجرى فى دمنا

نار بتحرق من سنين طويله فينا

واللى فينا ...

اللى فينا عار علينا

فينا طفل بيندبح قدام عنينا

فينا أرض بتتسلب من بين ادينا

فينا أخ بيندفن تحت البيوت

بيموت ...

بيموت ودمه سايل سلسبيل

دمه شاهد ع الخيانه نهار وليل

بيموت ...

واحنا كمان بنموت ...

جوه السكوت

**********

ولسه فينا قدام عنينا

فينا أخت ... فين خدوها

الكلاب السعرانين

هددوها بنار سلاحهم

تصرخ بأعلى صوت

صرخه تقتل ألف ميت مليون سكوت

تتمنى تموت ولا .... يلمسوها

فين خدوها ؟؟؟

خدوها أخدوا أعز شئ

رموها تبكى فى الطريق

تبكى دم ونار ودمع

دم شاهد على ....

شرف العروبة !!!!

**********

أيوه دينا دين سلام

بس مش دين إنهزام

فرق شاسع بين سلامنا وإنهزامنا

بس همه ليه حكامنا ...

دايما كده

فكرونى بمسرحية ...

البطله فيها كانت دايما ...

متعوده

متعودين ناخد فوق دماغنا

متعودين نطاطى للى جابوا داغنا

متعودين ... مطنشين

الارادة مسلوبين

كل نقطة دم سالت

تحكى ع الضعف اللى جانا

جانا ايه ؟؟؟

جاتنا خيبه ...

جاتنا وكسه

طفوا النور جاتنا كبسه

كله يجرى يستخبى ...

وابكوا علي ...





شــــرف العروبه

**********

شرم الشيخ - الثلاثاء 8 اغسطس 2006

Eng_Badr
10-12-2010, 11:51 AM
هههههههههههههههههه
شرف العروبة فعلا