المساعد الشخصي الرقمي

مشاهدة النسخة كاملة : انا بتكسف


Eng_Badr
08-12-2010, 10:04 AM
بعترف
انا بتكسف
يحمر وشي من الخجل
لحظه ما اقابل مدام سعاد
من غير معاد
علي بسطه عمارتنا البهيه
وهي مش لابسه الا ديه
ما اقدرش اقف فوق سطح بتنا
وام اسماعيل
بتنَشّر حبه غسيل
ولا اقدر ابوص لسميه
ولا لعبير
ولا لبثينه
ولا لهدير
ما اقدرش
ما اقدرش ابص في نني انثي
ولا اقول لموزه انتي موزه
ولا يقدر قلبي يبوح بحبه
ولا حتي يوصف معني حَبُه
مع اني صايع
ووسط لمه الصحاب
تلاقيني صايع
وواد مخلص
وانجز وخلص
وبيس يا مان
لكن كمان رغم الصياعه
في جوا مني حبه لطاعه
حبه كسوف
ما اقدرش اداريهم
ورا النضاره
ولا ف دخان السجاره
هيبان عليا
وساعتها هضرب احلي لخمه
ولساني يحضن حلق بوقي
يحلف ما يقولشي نص كلمه
وتلاقي الجو ساعتها حر
والعرق ينزل مني يخر
ما اقدرش غير اني اعترف
انا بتكسف
انا بتكسف